Една година „Кавервил“ со Драган Б. Костиќ на Супер радио

Охрид, 4. мај 2016 (Супер радио) – Се` има свој почеток. И пред тој да стаса до својот природен или предизвикан крај, почнува некаде, некој нов почеток. Сакајќи да иницирам такви, кои ќе трајат подолго од предвиденото или очекуваното, кои ќе бидат подобри од претходните, заедно со еден посветен тим ја почнав емисијата „Кавервил“.

Ова на официјалниот профил на Фејсбук го напиша денес живата легенда на македонското музичко новинарство, водителот Драган Б. Костиќ, кој веќе една година го работи проектот „Кавервил“, кој се емитува и на охридското Супер радио.

janekostickavervil29.04.2015 година на промоцијата на емисијата со главниот уредник на Супер радио Јане Стефанов

– Со содржинска цел, да посочи на долговечноста на песната, зависно од својот квалитет или предизвик. Што повеќе кавери – тоа нејзина поголема долговечност. Со програмска определба, искрено до срце, да го вратиме радиото во фокусот на интересот на новите генерации. Со иницирање квалитетни програми, авторитетни содржини и истапи. Може, само треба посветеност и верба. Формата се менува, но содржината трае. На овој ден, 4-ти мај, случајно или намерно, емисијата „Кавервил“ стартуваше на 15 радио станици. За прв пат во македонска радиодифузна историја, една емисија не се емитува од еден дистрибутивен центар. Секој од таквите низ Македонија, е значаен за своите слушатели, вели Костиќ.

Бидете му верни на своето радио, додава тој. „Засега оваа емисија, а во иднина ќе се појават верувам, нови почетоци. Чекајќи ги, стоиме таму каде што и не очекувате. На брановите на вашето радио“.

kostikednagodina– За да забележиме нова серија стории, за оние кои не следат, разбираат, и кои наоѓаат секогаш по нешто непознато и интересно во „Кавервил“. А тие се – досега преку две ипол илјади. Новиот турнус е пред нас. Посветено, искрено, едукативно, информативно и забавно… како досега, вели во име на целата екипа на „Кавервил“ легендарниот Драган Б. Костиќ.

На фреквенцијата од 97.00 Mhz на FM скалата, како и во живо на интернет наwww.superradio.com.mk, „Кавервил“ се емитува секој работен ден, во терминот од 19:00 до 20:00 часот. (Крај)