djlostfrequencies-640x360

Lost Frequencies специјален гостин на настапот на Nicky Romero во Охрид

Охрид, 18. мај 2016 (Супер радио) – Белгискиот хитмејкер Lost Frequencies ќе биде специјален гостин на спектакулараниот диџеј сет на Nicky Romero, на 1-ви август, ден спроти најголемиот национален празник Илинден, во Охрид, информираат од „Авалон“ продукција.

lostfrequenciesohrid– Поради големината на проектот, одлучивме двајцата топ диџеи на Tommorowland фестивалот да настапат на градскиот стадион „Билјанини извори“ во Охрид, со голема продукција, по сите светски стандарди. Творецот на двата најголеми летни хита „Are you with me“ и „Reality“ кои ги покорија речиси сите светски топ листи, за прв пат ќе настапи пред македонската публика со специјален 90 минутен сет. Станува збор за хитови кои заедно бележат преку 200 милиони прегледи на YouTube и се наоѓаат меѓу десетте најслушани песни изминатата година, според податоците од сервисите Shazam, Spotify…, каде што белгискиот продуцент Felix De Laet (како што му е полното име) се најде во друштво со хитмејкерите како што се Wiz Khalifa, Ellie Goulding, Kygo и Feder.
Сите информации околу влезниците ќе бидат објавени вечерта на 5-ти јуни на Градскиот стадион, за време на настапите на David Guetta и Robin Schulz, напиша на неговиот профил на Фејсбук првиот човек на „Авалон“ Бобан Милошески. (Крај)

извор: Авалон фото: архива