Супер радио меѓу одбраните радио станици во регионот кои денеска во исто време ќе го емитуваат најновиот сингл на Парни ваљак, песната „Поново“

Охрид, 27. јануари 2022 (Супер радио) – Продолжуваат активностите во регионот на целиот Балкан за оддавање на последна почит на неповторливиот вокалист на групата Парни ваљак, Аки Рахимовски.

Супер радио е меѓу одбраните радио станици во регионот кои во исто време ќе го емитуваат последениот, необјавен сингл на групата, песната „Поново“.

– Песната ќе се емитува во исто време, денеска, точно во 15:00 часот. Да му оддадеме должна почит на Аки. Легендите живеат вечно, потенцираат од Супер радио.

Синглот „Поново“, кој е авторско дело на Хусеин Хасанефендиќ- Хус, требаше да претставува најава за новиот албум на Парни ваљак, и за нивната скорешна голема турнеја.

Croatia Records и Парни ваљак во спомен на Аки ја покренаа иницијативата преку која, на посебен начин, се простуваат од неповторливиот пејач. Повеќе од 150 регионални радио-станици во исто време, денеска, ќе го емитуваат синглот, и на тој начин, ќе му оддадат почест на музичкиот великан. (Крај)

извор: Супер радио фото: архива